وضيف هذا الأسبوع أمير المنتدى الأخ محمود

وضيف هذا الأسبوع أمير المنتدى الأخ محمود 811

ومع حلقة ساخنة من حلقات كرسي الأعتراف

درجة سخونتها ربما تشعلل منتدى شهد..

ضيف هذا الحلقة من كرسي الأعتراف
يصعب التعريف بشخصيته في بضع كلمات
فهو أرقى من أن يتم التعريف به..

وضيف هذا الأسبوع أمير المنتدى الأخ محمود Bouquet5

لا أعرف من أين أبدا .. وأي الحروف أكتب
ولم اعرف بماذا اوصفة
لضيفنا..
انسان نموذجي .. يظلم بهذا الوصف
زعيم بما تحمله هذه الكلمة من معنى,,
اأمير ,, كلمة جدير بها بكل استحقاق..

ضيفنا أيها الأعزاء .. العين الثاقبة والأذن الصاغية
صديق لجميع أعضاء المنتدى بلا أستثناء ..
وجود أسمه في لائحة المتواجدون الآن يبعث بالطمائنية..
وتقديم كل ماهو راقي .. ومفيد للمنتدى

ضيفنا هذا الاسبوع مع أمير المنتدى الأخ
محمـــــــــــــــــــود

أ

سامحولى أبدأ بطرح الأسئلة علية
انشاء الله تكون مبسوط معنا اليوم مثل ما احنا مبسوطين بتواجدك معنا
وتكون اسئلتنا حلوه عليك

لمن تقول هذه العبارات ؟

تعجبني صراحتك :
تعجبني هدؤك :
فقدناكم:
تعجبني خفت دمكم :
تعجبني افكارك:

لو قال لك المصباح السحري إختر أمنيتين تختار اية....؟

كم مره انسرق إيميلك ؟

اذا قلت لك انا راح اسرق ايميلك دلوقتى حتقول اية ؟ لوسمحت لا تتفلسف قدام الاعضاء وتقول حلال عليكي قول الصدق هههههههههههههه

اكتب بيت شعر خطرعلى بالك دلوقتى وانت بتجاوب ههههههههههههه

تخيل يدق عليك واحد وقالك انت على الهواء مباشره على محطة ... وربحت معنا مليون دولار حتعمل بيهم اية ؟

بسم الله الرحمن الرحيم
اولا انا احب ان اشكر الاخت الفاضله ساره على هذه المقدمه التى والله بعد ان قراتها اقسمت انى لا اجاوب فى كرسي الاعتراف الا بكل صراحه وصدق واول صدق ساقوله من كل قلبى
انى احبكم فى الله
وانا سعيد جدااااااااااا وانا على كرسي الاعتراف
سر السعاده لا اعرف .
واجاوب على اسئله الاخت ساره
لمن تقول هذه العبارات ؟

تعجبني صراحتك :
الصراحه وبكل صدق 99 فى الميه ليس بصريح من البشر فى طبع المجامله
تعجبني هدؤك :
شخصيه وصديق لى مخلص هادي جدااااااااا بس الصراحه دماغه تودي اللومان
فقدناكم:
من فتره لما اره عمي الغالى مصطفى فهمي ولا اخواتى وبجد اقوله فقدناااااااااااااااااكم

تعجبني خفت دمكم :
اولاد الاستاذ مصطفى فهمي سواء بودي او اسراء بسم الله ما شاء الله عليهم نعم التربيه وخفه دم بسم الله ما شاء الله عليهم
تعجبني افكارك
يعجبنى افكار الاستاذ مصطفى فهمي فى كيفيه تتطوير المنتدي وكيفيه التقرب الى الله بكل الطرق .واحب اقول له ربنا يكرمك ويفتح عليك ويجعل من زريتك من هم يقيمون حدود الله على ارضه

لو قال لك المصباح السحري إختر أمنيتين وش تختار....؟

انى الاقى شغلانه محترمه فى مصر وبمرتب يعيشنى عيشه مرضيه ليه
وانى اتجوز الانسانه اللى بتحبنى وبحبها ولو بعد عمر طويل ههههههههههههه
كم مره انسرق إيميلك ؟
والله يااخت ساره انا بنسي الرقم السري بتاعى مش بينسرق ايميلى
ههههههههههه وهناك فرق طبعا ولا مره انسرق ايميلى بس كتير انسي الباسورد

اذا قلت لك انا راح اسرق ايميلك دلوقتى حتقول اية ؟ لوسمحت لا تتفلسف قدام الاعضاء وتقول حلال عليكي قول الصدق هههههههههههههه

هههههههههههههههههه هقول لحضرتك انه معلهوش غير ايميل الاستاذ مصطفى فهمي اي (زوج حضرتك) فايه رائيك تكلميه على الموبيل وتسبيلى الايميل بتاعى الله يخليكي ههههههههههه
اكتب بيت شعر خطرعلى بالك دلوقتى وانت بتجاوب ههههههههههههه
اللهم انى لا اسئلك رد القضاء ولكن اسئلك اللطف فيه

تخيل يدق عليك واحد وقالك انت على الهواء مباشره على محطة ... وربحت معنا مليون دولار حتعمل بيهم اية ؟
هقول انته بتستعبط انا مش بحب الكمره الخفيه واقفل الباب فى وشه
وساعتها طبعا مش هيدونى الجائزه ويبقه مش هجيب حاجه خالص
الفقري فقري
هههههههههههههههههههههههههههههههوشكرا والله على الاسئله الجميله

وكل عام وحضرتك بخير وانا منتظر باقى الاسئله
كان معكم من بيتنا وامام الكمبيوتر بتاعنا
محمود قاروب

الظاهر محدش عايز يسالنى
ههههههههههههههههههههههه
والله برحتكم بقه بس انا مش هتحايل على حد

استاذ محمود حضرتك صوفي؟ واين الطرق الصوفية الاي حضرتك تابعها؟ ٠ أية رايك في منتدي شهد ؟وما الفرق بينة وبين المنتديات الاخرة؟

بسم الله الرحمن الرحيم

أنا بقة حسألك يا عموا محمود

كام مرة نزلت فيها البحر ؟ وكام مرة غرقت فية ؟
ههههههههههههههههههههههههههههههههههههه

بتعرف تعوم ؟ واية الشاطئ المفضل اللى بتروحة ؟
ولو مبتعرفش تعوم تعالى اعلمك مع انى بغرق فى شبر ماية
ههههههههههههههههههههههههههههههههه

أافضل أكلة عندك ؟ والاغنية اللى بتحب تسمعها ؟

اذا طلعت رحلة اختار تلاتة اشخاص تخدهم معاك الرحلة ؟

اية الموضوع اللى تحب انك كل ما تفتح المنتدى تقرأة ؟

يارب تكون اسالتى اسهل من اسالة الثانوية العامة ههههههههههه

أخي وحبيبي وأستاذي الفاضل / الأستاذ / محمود تحية طيبة وسلاماً
أرجو أن يتسع صدرك لأسئلة أعضاء وعضوات منتدانا الأفاضل .
1- إسمك كما هو مدون ببطاقتك الشخصية ؟
2- تاريخ ميلادك .. الحقيقي طبعاً .. والا أقولك مش مهم سنة كام ؟
الحالة الإجتماعية . 3- المؤهل الدراسي . 4- عنوان السكن . 5- الوظيفة 6- ما أحب أصدقاءك إلي قلبك . 7- هل لك أصدقاء مقربين في منتدي شهد العين ؟ ومن هم ؟
8- هل تحب أن تتعرف علي كل أعضاء منتدانا الحبيب ؟
وأخيراً لك حبي واحترامي .. أخوك في الله / عمر شكري .

الاستاذ الفاضل احمد الشاعر اولا كل عام وحضرتك بخير بمناسبه المولد النبوي الشريف
استاذ محمود حضرتك صوفي؟ واين الطرق الصوفية الاي حضرتك تابعها؟ ٠ أية رايك في منتدي شهد ؟وما الفرق بينة وبين المنتديات الاخرة؟

اولا الامام الشفعي يقول

أحب الصالحين ولست منهم لعلي أن أنال بهم شفاعة

وأكره من تجارته المعاصي ولو كنا سواء في البضاعة

فانا بعشق الصوفيه الحقه وليست اي صوفيه ليس كل مسلم يدخل الجنه بلا حساب وليس كل صوفى على حق

فالمهم ما هو منهجى ومنهجكك وليس ما هى طريقكك وطريقتك
فانا عن نفسي ليس لى طريقه فانى اخذ من كل بستان ذاهره
فاخذ من الطريقه البرهانيه اورادهم الجميله صاحبه الاحساس العالى وصاحبه الكرامات التى والله لم اقرء ورد الا اخذت ما تمنيت
ولذلك يقول شيخهم الشيخ محمد عثمان عبده البرهانى
يكرم المرء رغم انفه

كما اخذ من الطريقه الرفاعيه فجدي خليفه خلفه وانا وجدي الوحيدين فى بلدنا كلها الذي نعشق الصوفيه_ رحمه الله على جدي_ وباقى القريه وهابيه وبالرغم ذلك اخذت من الوهابيه المنظر الدينى

فاخذت من كل بستان زاهره حتى يصبح اجمل لديه اجمل الزهور لعلى ان انول رضا الله

اما عن رائي فى منتدي شهد ؟

فلا تسال المرء عن ابنه فمنتدي شهد العين ولدي امام عينى ولكن ربما ياتى الزمان الذي اصبح الابن هو الاب والاب هو الابن
فبالرغم انه اتولدت على يدي
الا انه اصبح والدي الذي اتعلمت منه كثيرا وربنا يديم علينا الرضا والمبحه اللهم امين الفرق بينه وبين باقى المنتديات ؟
فلديه تجربه شخصيه ان المنتديات الدينيه الاخري غرضها 3 امور
1- امه الاعلانات والمكسب المالى
2- او غرض دنيوي لصاحب المنتدي
3- نشر منهج جديد وصاحبه يريد ان ينشر منهجه على الناس ولا نعرف منهجه صحيح ام لا
وهذه العناصر الثلاثه لا تتوافر فى منتدي شهد العين
فربنا يحرسها اللهم امين ويجعلها روضتتنا فى جنه الجلد اللهم امين

واشكرك استاذ احمد ومنتظر باقى الاسئله

اأولا اهلا بالاخ محمود وانك اكيد فى موقف لا تحسد علية

اعانك الله على اسالة الاعضاء

واسمح لى ببعض الاسئلة

ماهي الالوان المفضلة لديك؟
اسوأ شيء حدث لك لا تريد تكراره؟
فرحة لن تنساهاا؟
هل حققت كل احلامك؟ تقدر تقولي ماهي؟
ماهي رؤيتك لرفيقة العمر؟ وما مواصفاتها؟
كلمة شكر لمن تهديها؟
كلمة عتاب لمن تهديها؟
جملة تقولها ويسمعك العالم باكمله؟ ماهي؟

عبد الرحمن حبيب قلبى انا
وانا تحت امرك يا حبيبى وتعالى نجاوب سوا

كام مرة نزلت فيها البحر ؟ وكام مرة غرقت فية ؟
نزلت البحر بالظبط 7 مرات وكلهم السنه اللى فاتت واول مره انزل البحر السنه اللى فاتت
كام مره غرقت اتذكر انى وانا داخل البحر اول مره فوقعت فحسيت انى بغرق وانا اساسا لسه على الرمله
هههههههههههههههههههه ربنا يستر علينا بقه
بس بعدها بابا مصطفى علمنى العوم والحمد لله بقينا فى احسن حال

بتعرف تعوم ؟ واية الشاطئ المفضل اللى بتروحة ؟
ولو مبتعرفش تعوم تعالى اعلمك مع انى بغرق فى شبر ماية

الحمد الله حاليا بعرف اعوم والشط المفضل لديه انا مشفتش اصلا غير شط استانلى
هههههههههههههههههههههه وانا اللى اعرفه انك عويم يا عبد وربنا يحرسك ياربأافضل أكلة عندك ؟ والاغنية اللى بتحب تسمعها ؟
افضل اكله ليه المكرونه الفرن(البشمل ) والفراخ بموت فيها
والاغنية اللى بتحب تسمعها ؟ا
اغانى عبد الحليم كلها
اذا طلعت رحلة اختار تلاتة اشخاص تخدهم معاك الرحلة ؟
اكيد لو طلعت رحله يبقه هتكون فى شط استانلى عند الاستاذ مصطفى اما بقه الاصدقاء فمش هاخد اي حد علشان انا طماع وعايز اشوفكم لوحدي
اية الموضوع اللى تحب انك كل ما تفتح المنتدى تقرأة ؟

انا اراهن لو في منتدي برغم عدد مواضيه القليله الا انه يحمل كل شي الا منتدي شهد العين

يارب تكون اسالتى اسهل من اسالة الثانوية العامة

لا والله اسئله زي العسل زي بودي بالظبط
مع تحيات المفتش كرومبو اقصد قاروب
هههههههههههههههههههههههه

سيدي الاستاذ عمر شكري بدياتى ومن حقكك تسئل زي ما انته عايز

اهلا بيك يا مولانا

ونجاوب على اسئله حضرتك باذا الله حالا

1- إسمك كما هو مدون ببطاقتك الشخصية ؟
محمود احمد قاروب
- تاريخ ميلادك .. الحقيقي طبعاً .. والا أقولك مش مهم سنة كام ؟
25/8/1986 وكما تودين تودان هههههههههههههههههههههههههه

الحالة الإجتماعية .
اعزب ويارب ميستمرش الموضوع ده كتير ههههههههههههههههههه

- المؤهل الدراسي
ليسانس حقوق
- عنوان السكن
المصيلحه شبين الكوم المنوفيه مصر
الوظيفة
زي تلت تربع المصريين
عاطل وبلا فخر طالما لم اعمل بشهادتى فانا عاطل حتى لو اصبحت وزيرا

6- ما أحب أصدقاءك إلي قلبك
احب اصدقائي كل من اكلت معه فى طبق واحد وكل من اكل معي عيش وملح وعاش معى حلوتى ومري
7- هل لك أصدقاء مقربين في منتدي شهد العين ؟ ومن هم ؟نفس اقول كلهم مقربين لانى بجد بحبهم اوى بس الله اعلم انا قريب منهم ولا لا
بس هقول اللى انا ضمنه

الاستاذ مصطفى فهمي وال بيته جميعا وحضرتك وليس لانك السائل ولكن انى احبك فى الله استاذ عمر
وكل من وضع قلمه فى منتدي شهد العين

- هل تحب أن تتعرف علي كل أعضاء منتدانا الحبيب ؟يــــــــــــــــــــــــــــــــــــــــــــــاريت

انت الذي لك حبى واحترامي استاذي الغالى عمر شكري
ويرزقكك ربى من حيث تعلم ولا تعلم اللهما مين

سيدتتى الفاضله هدي
اكرمك الله وجعل منك الزريه الصالحه اللهم امين

ماهي الالوان المفضلة لديك؟

الموف والاخص فى الورود

اسوأ شيء حدث لك لا تريد تكراره؟
ان شخص يغدر بى
فرحة لن تنساهاا؟

فرحتى بتلت اشياء
1- يوم ما اخذت الشهاده
2- يوم ما اخذت تاجيل من الجيش
3- يوم ما سافرت عند الاستاذ مصطفى فهمي واصبحت واحد من اسرته

هل حققت كل احلامك؟ تقدر تقولي ماهي؟
حققت اهم حلم فيهم انى لست مكروه من حد
ولكن عن مستقبلى وحياتى
فما ازلت احاول ان احقق احلامى ويارب استطيع

ماهي رؤيتك لرفيقة العمر؟ وما مواصفاتها؟ا
تقيم حدود الله وان تخاف على عرضي ومالى فقط لا غير

كلمة شكر لمن تهديها؟

للاستاذ مصطفى فهمي لانه ربط شمل اسره شهد العين
كلمة عتاب لمن تهديها؟
انا لا اعاتب احد حتى من ظلمنى
العين بالعين والسن بالسن والبادي اظلم
جملة تقولها ويسمعك العالم باكمله؟ ماهي؟

ارحمو من فى الارض يرحمكم من فى السماء
وفتح الله عليكي اختى هدي [center]

استاذ محمود عرفت استاذ مصطفى ازاى؟

وكم مرة قابلتة؟

استاذ محمود حضرتك من المنوفية صحى اية رايك فى المنوفيين ؟

استاذ محمود معاك لسانس حقوق حضرتك مشتغلتش محامى لية ؟

استاذ محمود الناس بتقول على حضرتك انت جامد وجد لى مع حضرتكفى سن الشباب؟

استاذ محمود اية رايك فى كتبتى وردى مع العلم ان لم حضرتك ترد علية ؟

استاذ محمود امتى عتجوز وهل عتقول لاعضاء المنتدى؟

استاذ محمود اول ابن لك عتسمى اية ولد أو بنت؟
أسفة على طول الاسئلة انت عاوز كدة انتظارنا يا استاذ الفاضل لك مفاجاة
أختك اسمهان

الاستاذ /محمود

بما انك محب للصوفيه فلماذا لاتكثف كتاباتك فيها لأحياء القسم؟

وما رأيك فى دراويش الصوفيه؟ واذكر لنا نبذه مختصره عن الصوفيه والعصر والمدعين؟

السلام عليكم ورحمه الله وبركاته اختى الفاضله اسمهان
واهلا وسهلا بيكي اختاه
ويشرفنى انى اجاوب على اسئلتلك

محمود عرفت استاذ مصطفى ازاى؟
عن طريق منتدي اسلامي وعرفته اكتر من الحياه الطبيعيه

وكم مره قبلته
5 مرات

محمود حضرتك من المنوفية صحى اية رايك فى المنوفيين ؟

اعشقهم وكل محافظه فيها الحلو وفيها الوحش لان ربنا خلق الجنه والنار واكيد مش كل المنايفه فى الجنه واكيد كلهم مش فى النار

محمود معاك لسانس حقوق حضرتك مشتغلتش محامى لية ؟
ا
اخاف ان اغلط فاظلم بري او اعطي لشخص حق ليس حقه

محمود الناس بتقول على حضرتك انت جامد وجد لى مع حضرتك فى سن الشباب؟

حضرتك ان كنت ذلك حقا فهذا يرجع بسبب الظروف التى عشت فيها فوفاء والدي من وانا لم ابلغ 3 سنين وانى اعمل واشتغل وانا لم ابلغ السابعه من عمري اكيد لها طابع نفسي تجعل منى جاد بعد الشي
محمود اية رايك فى كتبتى وردى مع العلم ان لم حضرتك ترد علية ؟
صراحه انا لم ادخل المنتدي من فتره ولذلك لم اقراء كثير فى المنتدي ولكن اوعدك انى ساقول رائي فى كل مواضيعك فى اقل من 3 ايام

محمود امتى عتجوز وهل عتقول لاعضاء المنتدى؟

ما انا قولت بعد عمر طويل ههههههههههههه ان شاء الله لما احس انى بجدير بالانسانه اللى هتجوزها واضمن انى اقدر اسعدها واضمنلها مستقبلها قبل ما تتجوزنى علشان تبقه حسه بالامان

وبالبطع ساقول لااعضاء المنتدي با جمعهم واكيد الكل معزوم بس يحصل بس وربنا يوفق

محمود اول ابن لك عتسمى اية ولد أو بنت؟
اول ابن هسميه احمد على اسم والدي واسم بنتى شهد
انا بعشق السؤال لانى بحس انى بطلع ما فى داخلى وبحس انى برتاح نفسيا وليس عندي اسرار لكي اخاف ان ينفضح امري

واشكرك اختى الفاضله على اسئله فوق الروعه وبجد عجبتنى الاسئله تكرمى

ليالى كتب:: الاستاذ /محمود

بما انك محب للصوفيه فلماذا لاتكثف كتاباتك فيها لأحياء القسم؟

وما رأيك فى دراويش الصوفيه؟ واذكر لنا نبذه مختصره عن الصوفيه والعصر والمدعين؟

انا كتبت
وساظل اكتب عن الصوفيه
درويش الصوفيه عالم عواطليه بتاكل من رزق غيرها
اما الصوفى الحق من ياكل من عمل يده

اما االتحدث عن الصوفيه والعصر ؟
فالصوفيه علم لم استطع بالطبع اكتب سطرين واكتفى بل يكتب فيهم كتب وان شاء الله ساكتب مواضيع قريب جداااااااا عن الدفاع عن شبهات الصوفيه

وشكرا اختاه على اسئلتك

لو سمحت حضريك أين استاذ مصطفي؟ أستاذ حضرتك بتقول أن المنتدي دة ولد علي ايدك أصبح المولود يتيم وما بكبرش لي ؟ استاذي الفاضل لماذا كل هذا؟ أخي في الله نبدة علي مولد الرسول موضوع ؟ أستاذ أختر حاجة تكون معاك فلوس ومال وعربية بعيد عن الله أو فقيرة وقريب من الله ؟ وبارك الله فيك

السلام عليكم ورحمه الله وبركاته
اختى الفاضله احلام اهلا وسهلا بيكي فى منتدي شهد العين
واجاوب على اسئلتك باذا الله تعالى

لو سمحت حضريك أين استاذ مصطفي؟ أستاذ حضرتك بتقول أن المنتدي دة ولد علي ايدك أصبح المولود يتيم وما بكبرش لي ؟ استاذي الفاضل لماذا كل هذا؟ أخي في الله نبدة علي مولد الرسول موضوع ؟ أستاذ أختر حاجة تكون معاك فلوس ومال وعربية بعيد عن الله أو فقيرة وقريب من الله ؟ وبارك الله فيك

الاستاذ مصطفى غائب من ايام وطالما غائب من ايام فهو بيكون فى عمل خارج الاسكندريه فى القاهره وهذا هو الموكد

أستاذ حضرتك بتقول أن المنتدي دة ولد علي ايدك أصبح المولود يتيم وما بكبرش لي ؟
ا

الاخت الفاضله احلام المنتدي يكبر والحمد لله وتعالى نحسبها بالمنطق وبدون زعل
حضرتك مشتركه من يوم 16 فبراير اي من شهر تقريبا لديك 4 مساهمات ده غير الاسئله حضرتك اي 4 مساهمات فى الشهر فى 12 =48 مساهمه فى السنه
اما لو تكلمنا عن اي عضو اخر وليكن انا فعدد مسهماتى 1200 مساهمه اي 100 مساهمه فى الشهر وكذلك الاستاذ مصطفى فهمى تقريبا 830 مساهمه اي اي 69 مساهمه فى الشهر وايضا الاستاذ عمر شكري والاخت الفاضله ساره مساهمتهم بسم الله ما شاء الله بالنسبه لمده اشتراكهم
واحب ان اشكر كلمهم جداااااااااااااا
فكل احباب شهد العين يحبون يقراءو اين الكتابه فارجو من سيادتك ان تكتبى حتى نتشجع ونكتب ومن هنا المنتدي يكبر وانا اسف جدااااااااااا على الرد ولكن هذا هو المنطق يااختاه

استاذي الفاضل لماذا كل هذا؟
يعنى ايه لماذ كل هذا مش فاهم سؤال حضرتك غامض بعض الشيء

أخي في الله نبدة علي مولد الرسول موضوع

فى هذا الساعه ستجدين مواضيع واناشيد عن حضره النبى وتحميل مباشر كمان
أستاذ أختر حاجة تكون معاك فلوس ومال وعربية بعيد عن الله أو فقيرة وقريب من الله ؟ وبارك الله فيك

اي احد مكانى سيقول بالطبع فقير وقريب من الله ولكن انا طماع وعشمي فى الله كبير وهختار الاتنين يكون معي فلوس ومال وعربيه وايضا قريب الى الله فليس معنى انى غنى اكون بعيد عن الله

وشكرا اختاه على اسئلتك الحاميه جدااااااااااااااااااا
هههههههههههههههه

اخوكي فى الله
محمود

استاذي الفاضل انا مابكتبشي بس أنا من عاشقة المنتدي وحضرتك ردك جامد عليه وشكرا سوال حضرتك أمير المنتدي صح فين الاميرة المنتدي؟ جاوب ؟٠ استاذ محمود حضرتك لي عنيف في الردود وكنت عنيف كدة في المنتديات الاخر؟ شكرا أخي الفاضل

الاخت الفاضله احلام والله انا مش برد رد عنيف بس والله حابب اوضح الصوره مش اكتر
حضرتك بتقولى انا مش بكتب بس انا عاشقه المنتدي واحنا عاشقين قلمك ونفسنا تكتبى والله

أمير المنتدي صح فين الاميرة المنتدي؟

هههههههههههههههه والله انا عن نفسي معرفش انا فى يوم وليله لقيت مكتوب جمب اسمي امير المنتدي واميرات المنتدي كثيرين جدا ومنهم الاخت ساره وحضرتك وكل فتاه او سيده تكتب حرفا فى منتدي شهد العين فهم اميرات يستحقن التتويج

استاذ محمود حضرتك لي عنيف في الردود وكنت عنيف كدة في المنتديات الاخر؟ شكرا أخي الفاضل

انا مش عنيف والله انا برد بصراحه بعض الشي فمن الممكن ان تجدي ردي عنيف بس والله هذا هو منطقى اقول الحق ولا اجامل
شكرا اختااااااااااااه

اما الشخص الذى تشعر من ناحية باكراه شديد ؟

استاذ محمود ما الأكلة المفضلة لك؟
ما المشروب المفضل لك ؟

مين الفريق الذى بتشجعة؟

مين الفريق الخصم الذى تكره؟

ما افضل مشرف ومشرفة لك؟

» ضيفة هذا الأسبوع فى كرسى الاعتراف
» نرحب بضيفنا هذا الأسبوع الأستاذ / عمر شكرى
» الى اعضاء المنتدى الحبيب
» أهلا سارة فراشة المنتدى
» ضيفنا هذا الاسبوع هو أ / مصطفى مدير المنتدى